देशका विभिन्न स्थानबाट मृत अवस्थामा ४ जना फेला परेका छन् । अर्घाखाँची, पाणिनी गाउँपालिका-३ देवलचौर बस्ने ६६ वर्षीय तारा बहादुर कुमाल सोही ठाउँस्थित वाग्ले खोलाको किनारमा शुक्रबार मृत अवस्थामा फेला परेका छन् ।

त्यस्तै गोरखा, गण्डकी गाउँपालिका-८ बर्खेघाटस्थित त्रिशुली नदी किनारमा हाल नाम, थर, वतन नखुलेकी अन्दाजी ७५ वर्षीया महिला शुक्रबार मृत अवस्थामा फेला परेकी छन् । यता सिन्धुली, सुनकोशी गाउँपालिका-२ टुप्पीडाँडा नजिकै सुनकोशी नदीको किनारामा हाल नाम, थर, वतन नखुलेकी अन्दाजी २८ वर्षीय महिला बिहीबार मृत अवस्थामा फेला परेकी छन् ।

यस्तै मकवानपुर, भिमफेदी गाउँपालिका-८ माण्डुस्थित बागमती खोलामा हाल नाम, थर, वतन नखुलेकी अन्दाजी ४० वर्षीया महिला बिहीबार मृत अवस्थामा फेला परेकी छिन् । यस सम्बन्धमा प्रहरीले थप अनुसन्धान गरिरहेको छ ।