देशका विभिन्न स्थानबाट मृत अवस्थामा १० जना फेला परेका छन् । चितवन, राप्ती नगरपालिका-२ गड्यौली पन्थडाँडा बस्ने ६५ वर्षीय बिष्णु बहादुर पाठक आफ्नै घरमा सोमबार मृत अवस्थामा फेला परेका छन् ।

त्यस्तै झापा, बिर्तामोड नगरपालिका-४ स्थित जुत्ता चप्पल फ्याक्ट्रीमा काम गर्ने सुनसरी दुहबी नगरपालिका-५ बस्ने ३३ वर्षीय संजय मग्राती सोही फ्याक्ट्रीको सुत्ने कोठामा सोमबार मृत अवस्थामा फेला परेका छन् । यता बर्दिया, गेरुवा गाउँपालिका-५ बन्जरिया बस्ने ६० वर्षीया काली थारु सोही ठाउँस्थित खेतमा सोमबार मृत अवस्थामा फेला परेकी छन् ।

यस्तै बाँके, जानकी गाउँपालिका-५ कर्वलास्थित अमिलिया नालामा सोही गाउँपालिका-४ बस्ने ३० वर्षीय शिव कुमार बर्मा सोमबार मृत अवस्थामा फेला परेका छन् । उता कञ्चनपुर, शुक्लाफाटा नगरपालिका-११ रामजानकी मन्दिरमा बस्दै आएका बझाङ केदारस्यु गाउँपालिका-८ बस्ने ७६ वर्षीय राम दत्त जोशी सोही मन्दिरको धुनिघरको पछाडी पट्टीको धारामा सोमबार मृत अवस्थामा फेला परेका छन् ।

यता तनहुँ, ब्यास नगरपालिका-४ मादी नदीको बिचमा ब्यास नगरपालिका-१० बैरेनी बस्ने ८० वर्षीय धनपती उपाध्याय सोमबार मृत अवस्थामा फेला परेका छन् । त्यसैगरी सर्लाही, गोडैता नगरपालिका-३ भगवतीपुर बजारस्थित बरको रूखमुनि बिष्णु गाउँपालिका-५ सिमरा बस्ने ४५ वर्षीय फेकन पण्डित आइतबार मृत अवस्थामा फेला परेका छन् ।

यसैगरी दार्चुला, मालिकार्जुन गाउँपालिका-७ टोपाली बस्ने ८५ वर्षीया भागरथी चन्द सोही ठाउँस्थित खरबारीमा आइतबार मृत अवस्थामा फेला परेकी छिन् । बिगत ५ दिनदेखि घरबाट हराई बेपत्ता भएकी उनको प्रहरी चौकी जोलजिबीबाट खटिएको प्रहरीले आफन्तहरूको सहयोगमा खोजी गर्ने क्रममा शव फेला परेको हो ।

उता झापा, बिर्तामोड नगरपालिका-५ दुर्गा मन्दिर नजिकै नालामा हाल नाम, थर, वतन नखुलेका अन्दाजी ४० वर्षीय पुरुष सोमबार मृत अवस्थामा फेला परेका छन् । यस्तै मुस्ताङ, बारागुङ मुक्तिक्षेत्र गाउँपालिका-४ लम्बुकस्थित कुन्साङ गुरूङको स्याउबारीमा विगत ८ वर्षदेखि काम गरी बस्ने म्याग्दी मालिका गाउँपालिका-६ दरवाङ घर भएका ३९ वर्षीय मामा भन्ने जगमान जुगजाली आफू बस्दै आएको स्थानमा आइतबार मृत अवस्थामा फेला परेका छन् । घटनाका सम्बन्धमा प्रहरीले आवश्यक अनुसन्धान गरिरहेको छ ।