देशका विभिन्न स्थानबाट मृत अवस्थामा ७ जना फेला परेका छन् । झापा, भद्रपुर नगरपालिका-१० केन्द्रमोड बस्ने ७३ वर्षीया शिव कुमारी ढकाल सोही ठाउँस्थित पानी जमेको खाल्डोमा र बिर्तामोड नगरपालिका-२ चारपानेस्थित बाटोको छेउमा सोही ठाउँ बस्ने ५५ वर्षीया मय मुर्मु बुधबार मृत अवस्थामा फेला परेकी छन् ।

त्यस्तै रोल्पा, रोल्पा नगरपालिका-१० धाङ्सीस्थित खोलामा हाल नाम, थर, वतन नखुलेका करिब ५५ वर्षीय पुरुष बुधबार मृत अवस्थामा फेला परेका छन् । यता रौतहट, गौर नगरपालिका-१ कानु टोलस्थित सडक छेउमा हाल नाम, थर, वतन नखुलेका करिब ४० वर्षीय बुधबार मृत अवस्थामा फेला परेका छन् ।

यस्तै दार्चुला, अपिहिमाल गाउँपालिका-३ कटेली गाडस्थित महादेव भन्ने स्थानमा हाल नाम, थर, वतन नखुलेका पुरूष मंगलबार मृत अवस्थामा फेला परेका छन् । उता मकवानपुर, बागमती गाउँपालिका-१ करौजेस्थित बागमती नदीको किनारमा हाल नाम, थर, वतन नखुलेका अन्दाजी ३६ वर्षीय पुरूष मंगलबार मृत अवस्थामा फेला परेका छन् ।

यता भोजपुर, रामप्रसादराई गाउँपालिका ७ र ८ को सिमानामा पर्ने वाकाराङस्थित फुरातेम्मा सामुदायिक वनमा हाल नाम, थर, वतन नखुलेका अन्दाजी ३० वर्षीय पुरूष मंगलबार मृत अवस्थामा फेला परेका छन् । त्यस्तै पर्सा, जिराभवानी गाउँपालिका-४ स्थित स्मृति खोलामा हाल नाम, थर, वतन नखुलेकी अन्दाजी ३५ वर्षीया महिला मंगलबर मृत अवस्थामा फेला परेकी छिन् । सवै घटनाका सम्बन्धमा प्रहरीले थप अनुसन्धान गरिरहेको छ ।