देशका विभिन्न स्थानबाट मृत अवस्थामा ८ जना फेला परेका छन् ।  झापा, झापा गाउँपालिका-५ खैरबारीस्थित खेतमा भारत बिहार किसगंज ताराबारी पञ्चायत दिवलबैंक थाना बेदबारी गाउँ-७ बस्ने ६० वर्षीय गोपि मड्डी बुधबार मृत अवस्थामा फेला परेका छन् ।

त्यस्तै कञ्चनपुर, पुनर्वास नगरपालिका-४ आपताल बस्ने ४५ वर्षीया अमृता चुनारा आफ्नै घरको धारा नजिकै बुधबार मृत अवस्थामा फेला परेकी छन् । यता सिन्धुली, दुधौली नागरपालिका-१० लखिमा बस्ने ८० वर्षीया चिनिमायाँ थापा मगर सोही ठाउँस्थित गोब्ला चौडीको पोखरीमा मंगलबार मृत अवस्थामा फेला परेकी छन् ।

यस्तै बारा, जितपुरसिमरा उपमहानगरपालिका-२ भिमेश्वरस्थित वन उपभोक्ता समितिको जंगलमा हाल नाम, थर, वतन नखुलेको पुरुष मंगलबार मृत अवस्थामा फेला परेका छन् । उता महोत्तरी, जलेश्वर नगरपालिका-३ खैरा बस्ने ६५ वर्षीय पर्शुराम साह तेली आफ्नै धान खेतको आलीमा मंगलबार मृत अवस्थामा फेला परेका छन् । खेतमा काम गर्ने गएका उनी घर नफर्किएपछि खोजी गर्ने क्रममा शव फेला परेको हो ।

यता नुवाकोट, शिवपुरी गाउँपालिका-४ कुडी बस्ने ६८ वर्षीया बिष्णु माया बुढाथोकी सोही ठाउँस्थित गोरेटो बाटोको छेउमा मंगलबार मृत अवस्थामा फेला परेकी छिन् । यसैगरी सुनसरी, धरान उपमहानगरपालिका-११ स्वस्तिका चोक बस्ने ५२ वर्षीय कृष्ण कुमार शाक्य आफ्नै घरमा मंगलबार मृत अवस्थामा फेला परेका छन् ।

त्यसैगरी दाङ, राप्ती गाउँपालिका-१ चैतेस्थित राप्ती नदीमा हाल नाम, थर, वतन नखुलेका अन्दाजी ४५ वर्षीय पुरूष मंगलबार मृत अवस्थामा फेला परेका छन् । सवै घटनाका सम्बन्धमा प्रहरीले थप अनुसन्धान गरिरहेको छ ।