देशका विभिन्न स्थानबाट मृत अवस्थामा ९ जना फेला परेका छन् । काठमाडौं महानगरपालिका-९ तिलगंगा निलोपुल नजिकै पाल टाँगेर बसेको हाल नाम, थर, वतन नखुलेका अन्दाजी ४० वर्षीय पुरूष उक्त पालभित्र शुक्रबार मृत अवस्थामा फेला परेका छन् ।

त्यस्तै बाँके, बैजनाथ गाउँपालिका-२ पितमारी बस्ने ५० वर्षीया नानकली कठायत सोही गाउँपालिका-२ पितमारी भित्री बाटोको छेउमा शुक्रबार मृत अवस्थामा फेला परेका छन् । यता मकवानपुर, थाहा नगरपालिका-९ टाँकाटार बस्ने ५६ वर्षीय रामभक्तबस्नेत आफ्नै नजिक रहेको बारीमा शुक्रबार मृत अवस्थामा फेला परेका छन् ।

यसैगरी मकवानपुर, भिमफेदी गाउँपालिका-८ माण्डुस्थित बागमतीखोलामा हाल नाम, थर, वतन नखुलेका अन्दाजी ४० वर्षीय पुरूष शनिबार मृत अवस्थामा फेला परेका छन् । यस्तै इलाम, रोङ गाउँपालिका-६ रम्याङ बस्ने ५५ वर्षीय गुमान सिंह राई सोही गाउँपालिका-६ जिर्मले सलकपुर ढाँडेहाँसेस्थित बाटो छेउमा शनिबार मृत अवस्थामा फेला परेका छन् ।

शुक्रबार बिहान घरबाट खेतीको काम गर्न भनि हिँडेको उनी घर नफर्किएपछि खोजी गर्ने क्रममा शव फेला परेको हो । यसैगरी इलाम, इलाम नगरपालिका-९ पुवाजुङ बस्ने ५३ वर्षीय रविन राई सोही ठाउँस्थित सिचाई कुलोमा शनिबार मृत अवस्थामा फेला परेका छन् ।

त्यसैगरी उदयपुर, चौदण्डीगढी नगरपालिका-५ सिवाहीस्थित खेतको आलीमा सोही ठाउँ बस्ने ६८ वर्षीय डाकुरनाथ सुबेदी शनिबार मृत अवस्थामा फेला परेका छन् । उता बागलुङ, बागलुङ नगरपालिका-९ बस्ने ६३ वर्षीय देव बहादुर खत्री सोही ठाउँस्थित ओख्रेनी सामुदायिक जङ्गलमा शनिबार मृत अवस्थामा फेला परेका छन् । कोही कसैलाई जानकारी नगराई शुक्रबार बिहान घरबाट हिँडेको उनी घर नफर्किएपछि खोजी गर्ने क्रमम शव फेला परेको हो ।

यस्तै रूपन्देही, बुटवल उपमहानगरपालिका-५ हाटबजारमा हाल नाम, थर, वतन नखुलेका अन्दाजी ३० वर्षीय पुरूष शुक्रबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।