देशका विभिन्न स्थानबाट मृत अवस्थामा ४ जना फेला परेका छन् । मोरङ, पथरीशनिश्चरे नगरपालिका-२ स्थित लाटी खोलाको पानीमा हाल नाम, थर, वतन नखुलेका पुरूष मंगलबार मृत अवस्थामा फेला परेका छन् ।

त्यस्तै दोलखा, मेलुङ गाउँपालिका-२ बासबोट बस्ने ८४ वर्षीय अमर बहादुर कार्की सोही गाउँपालिका-७ शितलीस्थित तामाकोशी नदीमा मंगलबार मृत अवस्थामा फेला परेका छन् । यता जाजरकोट, ९ असोज जुनिचाँदी गाउँपालिका-५ कटिया खोलामा सोही गाउँपालिका-५ टिप्क बस्ने ३२ वर्षीय गोरख बहादुर तिरूवा सोमबार मृत अवस्थामा फेला परेका छन् ।

गत २ गतेदेखि घरबाट हराएका उनको खोजी गर्ने क्रममा शव फेला परेको हो । यस्तै रौतहट, गौर नगरपालिका-७ सिसवा टोलमा सोही ठाउँ बस्ने ३७ वर्षीय मोहन पासवान सोमबार मृत अवस्थामा फेला परेका छन् ।यस सम्बन्धमा प्रहरीले आवश्यक अनुसन्धान गरिरहेको छ ।