देशका विभिन्न स्थानबाट मृत अवस्थामा ४ जना फेला परेका छन् । झापा, मेचीनगर नगरपालिका-१२ कालि झोडा बस्ने ६५ वर्षीया कालिमाँया सार्की सोही ठाउँस्थित कालि झोडा जंगलमा बुधबार मृत अवस्थामा फेला परेकी छिन् । गत सोमबार बिहान घरबाट आफूखुसी हिँडेकी उनको खोजी गर्ने क्रममा शव फेला परेको हो ।

त्यस्तै मोरङ, बेलबारी नगरपालिका-११ लक्ष्मीमार्गस्थित हटिया छेउमा हाल नाम, थर, वतन नखुलेका अन्दाजी ६० वर्षीय पुरूष बुधबार मृत अवस्थामा फेला परेका छन् । यता सिन्धुली, दुधौली नगरपालिका-११ तल्लो धनसरीस्थित कमला नदीको किनारमा हाल नाम, थर, वतन नखुलेका अन्दाजी ६० वर्षीय पुरूष बिहीबार मृत अवस्थामा फेला परेका छन् ।

यस्तै भक्तपुर, सूर्यविनायक नगरपालका-४ दधिकोट दक्षिणबाराही नयाँबस्ती डेरा गरी बस्ने काभ्रे नमोबुद्ध नगरपालिका-७ दाप्चा घर भएका ५० वर्षीय रामकृष्ण श्रेष्ठ आफ्नै कोठामा मंलगबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।