नवकान्तिपुर संवाददाता
काठमाडौं, ११ असोज ।
सवारी दुर्घटनामा परी एक जनाको मृत्यु भएको छ । कपिलवस्तु, वाणगंगा नगरपालिका-२ कलोनी चोकमा लु.९० प ८०१६ नम्बरको मोटरसाइकल र लु.५६ प ४६२७ नम्बरको मोटरसाइकल एकआपसमा ठक्कर खाई बुधबार राति दुर्घटना हुँदा लु.५६ प ४६२७ नम्बरको मोटरसाइकल चालक सोही नगरपालिका पिपरा बस्ने ४० वर्षीय रोम बहादुर बरालको मृत्यु भएको छ ।
दुर्घटनामा गम्भीर घाइते भएका उनको सामुदायिक अस्पताल चार नम्बर हुँदै जिल्ला अस्पतालमा थप उपचारको क्रममा मृत्यु भएको हो । साथै दुर्घटनामा घाइते भएका लु.९० प ८०१६ नम्बरको मोटरसाइकल चालक सामुदायिक अस्पताल चार नम्बरमा उपचार पश्चात डिस्चार्ज भएका छन् ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
