देशका विभिन्न स्थानबाट मृत अवस्थामा ३ जना फेला परेका छन् । बागलुङ, जैमुनी नगरपालिका-१० किटेनी बस्ने ६१ वर्षीया डिलमाया छन्त्याल घर नजिक आफ्नै बारीमा शुक्रबार मृत अवस्थामा फेला परेकी छिन् ।

त्यस्तै मोरङ, मिक्लाजुङ गाउँपालिका-९ बस्ने ५० वर्षीय गणेश बहादुर भुजेल सोही ठाउँस्थित खेतमा शुक्रबार मृत अवस्थामा फेला परेका छन् । घरबाट हिँडेका उनी नफर्किएपछि खोजी गर्ने क्रममा शव फेला परेको हो ।

यता काठमाडौं, कीर्तिपुर नगरपालिका-१० चोभार गेट नजिक बागमती खोलामा हाल नाम, थर, वतन नखुलेका अन्दाजी ३० वर्षीय पुरूष शनिबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।