जुवातास खेलिरहेको अवस्थामा काभ्रेबाट आठ जना पक्राउ परेका छन् । काभ्रेको पनौती नगरपालिका -५ चौकोटस्थित घनश्याम अधिकारीको होटलमा जुवातास खेलिरहेको अवस्थामा आठ जना पक्राउ परेका हुन् ।

पक्राउ पर्नेमा अधिकारी सहित ८ जना रहेका छन् । विशेष सूचनाको आधारमा जिल्ला प्रहरी कार्यालय काभ्रेबाट खटिएको प्रहरीले उनीहरुलाई शुक्रबार राति पक्राउ गरेको हो ।

प्रहरीले जुवाखालबाट  नगद ५५ हजार ९ सय ९० रूपैयाँ र १ बुक तासस बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।