मनाङ एयरको हेलिकप्टर दुर्घटना भएको छ । शनिबार बिहान करिब ७:३० बजे मनाङ एयरको ९एन-एएनजे कलसाइन हेलिकप्टर सोलुखुम्बुको लोबुचेमा दुर्घटना भएको हो ।

हाइ अल्टिच्युडमा रहेका यात्रु लिन रुम्झाटारबाट लोबुचे जाँदै गरेको हेलिकप्टर लोबुचेमा अवतरण गर्ने क्रममा दुर्घटनामा परेको मनाङ एयरका निर्देशक राजु न्यौपानेले जानकारी दिए ।

हेलिकप्टरमा अन्य यात्रु नभएकोमा क्याप्टेन प्रकाश सेढाईं मात्र रहेको र उनी गम्भीर घाइते भएका छन्  । क्याप्टेन सेढाईंलाई थप उपचारको लागि काठमाडौँको ह्याम्स हस्पिटल ल्याइँदै छ ।