देशका छुट्टाछुट्टै स्थानबाट मृत अवस्थामा ६ जना फेला परेका छन् । मुस्ताङ, थासाङ गाउँपालिका-२ कोवाङस्थित काली गण्डकी किनारमा सोही ठाउँ बस्ने रोल्पा थवाङ गाउँपालिका-५ उवा घर भएका ५५ वर्षीय इट बहादुर घर्ती मगर आइतबार मृत अवस्थामा फेला परेका छन् ।

त्यस्तै बाग्लुङ, जैमिनी नगरपालिका-६ स्थित सुम्सा बगरमा हाल नाम, थर, वतन नखुलेकी महिला आइतबार मृत अवस्थामा फेला परेकी छन् । यता बारा, जितपुरसिमरा उपमहानगरपालिका-१५ स्थित जंगलमा सोही उपमहानगरपालिका- १४ बस्ने ४७ वर्षीय रामप्रकाश दहित शनिबार मृत अवस्थामा फेला परेका छन् ।

यस्तै कास्की, अन्नपूर्ण गाउँपालिका-३ पत्थरचोक बस्ने ६२ वर्षीय पुण्य प्रसाद पौडेल सोही ठाउँस्थित खरबारीमा शनिबार मृत अवस्थामा फेला परेका छन् । उता चितवन, भरतपुर महानगरपालिका-१ स्थित नारायणी नदीको किनारामा हाल नाम, थर, वतन नखुलेका अन्दाजी ७० वर्षीय पुरुष शनिबार मृत अवस्थामा फेला परेका छन् ।

यसैगरी धादिङ, गल्छी गाउँपालिका-४ चिरौदीस्थित त्रिशुली नदीमा हाल नाम, थर, वतन नखुलेकी अन्दाजी ४० वर्षीया महिला शनिबार मृत अवस्थामा फेला परेकी छिन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।