देशका विभिन्न स्थानबाट मृत अवस्थामा ५ जना फेला परेका छन् । काठमाडौं, दक्षिणकाली नगरपालिका-४ स्थित बाँसबारी डाँडा रेष्टरेण्ट एण्ड गेष्ट हाउसमा काम गर्ने हुम्ला खार्पुनाथ गाउँपालिका-१ घर बताउने ३४ वर्षीय धन राज शाही ठकुरी बिहीबार सोही गेष्टहाउसको कोठमा मृत अवस्थामा फेला परेका छन् ।

यसैगरी काठमाडौं, चन्द्रागिरी नगरपालिका-१ गैरीगाउँ गिरिटोल घर भएका ५८ वर्षीय बदन गिरी आफ्नै घरमा बिहीबार मृत अवस्थामा फेला परेका छन् । यस्तै सिरहा, मिर्चैया नगरपालिका-६ कटारी चोकस्थित एनएमबी बैंकमा गार्डको काम गरी बस्ने महोत्तरी बर्दिवास नगरपालिका घर भएका ५७ वर्षीय नेत्र बहादुर गुरुङ गार्ड सुत्ने कोठामा बिहीबार मृत अवस्थामा फेला परेका छन् ।

त्यस्तै दाङ, लमही नगरपालिका-६ देउपुरस्थित स्वर्गद्धारी टोल सडक छेउमा सोही नगरपालिका-५ रातोडाँडा  बस्ने ४५ वर्षीय बासु देब पुन बिहीबार मृत अवस्था फेला परेका छन् । यता बारा, जितपुर सिमरा उपमहानगरपालिका-६ नगोलस्थित बाटोको छेउमा हाल नाम, थर, वतन नखुलेकी अन्दाजी २५ वर्षीया महिला बिहीबार मृत अवस्थामा फेला परेकी छन् । यस सम्बन्धमा प्रहरीले आवश्यक अनुसन्धान गरिरहेको छ ।