नवकान्तिपुर संवाददाता
काठमाडौं, १९ कात्तिक ।
डोटीमा जीप दुर्घटना भएको छ । दुर्घटनामा चार जनाको ज्यान गएको छ । धनगढीबाट बाजुरा जाँदै गरेको ग २ च २७७६ नम्बरको बोलेरो जीप गएराति २ः३० बजे डोटीको शिखर नगरपालिका–२ अण्यौलस्थित केआई सिंह राजमार्गमा दुर्घटना भएको हो । जीप सडकबाट ५० मिटर तल सेती खोलामा खसेको थियो ।
दुर्घटनामा ६ घाइते भएका छन् । उनीहरूको डोटीकै शैलेश्वरी अस्पतालमा उपचार भइरहेको जनाइएको छ ।
जीप अनियन्त्रित भई दुर्घटना भएको थियो ।
