देशका विभिन्न स्थानबाट मृत अवस्थामा ४ जना फेला परेका छन् । काठमाडौं महानगरपालिका-१४ बल्खुस्थित सुकुम्वासी बस्तीस्थित टहरामा बस्दै आएका मोरङ पथरी शनिश्चरे नगरपालिका-१ घर भएका ४५ वर्षीय गोकुल खड्का आफ्नै टहरामा आइतबार मृत अवस्थामा फेला परेका छन् ।

त्यस्तै अर्घाखाँची, मालारानी गाउँपालिका-३ ढाडमसिना सामुदायिक वनको भिरमा सोही गाउँपालिका-३ खनार बस्ने ७० वर्षीय छविलाल खत्री आइतबार मृत अवस्थामा फेला परेका छन् । यता कालिकोट, शुभकालिका गाउँपालिका-६ स्थित बयाल खोलामा हाल नाम, थर, वतन नखुलेका अन्दाजी ३५ वर्षीय पुरूष शनिबार मृत अवस्थामा फेला परेका छन् ।

यस्तै सिरहा, कर्जन्हा नगरपालिका-६ कमला खोलाको किनारमा सोही नगरपालिका-५ बडहारा मिर्चैया बस्ने ५५ वर्षीय भरोसी सदा शनिबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।