देशका विभिन्न स्थानबाट मृत अवस्थामा ८ जना फेला परेका छन् । काठमाडौं, चन्द्रागिरी नगरपालिका-८ मातातिर्थ बस्ने ४८ वर्षीय राजेन्द्र संग्रौला आफ्नै घरमा सोमबार मृत अवस्थामा फेला परेका छन् ।

त्यस्तै झापा, कचनकवल गाउँपालिका-३ दुर्गाभिट्टास्थित खाली खेतमा सोही गाउँपालिका-७ बस्ने ४१ वर्षीय हरि तामाङको घाँटीमा काटिएको अवस्थामा सोमबार मृत फेला परेका छन् । घटनास्थलमा खुकुरी १ थान, टर्च लाइट १ थान, मोबाइल सेट १ थान, जुत्ता १ जोर, जाकेट १ थान समेत फेला परेको छ ।

त्यस्तै नुवाकोट, किस्पाङ गाउँपालिका-५ शान्ती बजारस्थित थ्री बि हब सवस्टेसनमा काम गर्ने कन्चनपुर लालझारी गाउँपालिका-३ घर भएका ५२ वर्षीय बुद्धी राना आफ्नै कोठामा सोमबार मृत अवस्थामा फेला परेका छन् । यता स्याङजा, अर्जुनचौपारी गाउँपालिका-१ स्थित बजारमा ज्याल मजदुरी काम गरी बस्ने रुपन्देही बुटवल उपमहानगरपालिका-१३ घर भएका ४५ वर्षीय राम वहादुर विक अर्जुनचौपारी गाउँपलिका-१ स्थित ग्रिल उद्योगमा सोमबार मृत अवस्थामा फेला परेका छन् ।

यस्तै रूपन्देही, शुद्धोधन गाउँपालिका-४ मैनहियास्थित बाटोको छेउमा सोही गाउँपालिका-२ गोपालपुर बस्ने ३० वर्षीय तुमाकान्त चापागाई सोमबार मृत अवस्थामा फेला परेका छन् । उता बागलुङ, काठेखोला गाउँपालिका-५ लामखुम बस्ने ७० वर्षीय रण बहादुर केसी आफ्नै घरदेखि करिब १ किलोमिटर टाढा होटलमा सोमबार मृत अवस्थामा फेला परेका छन् ।

यसैगरी धादिङ, त्रिपुरासुन्दरी गाउँपालिका-१ आँखु खोलामा सोही गाउँपालिका-१ पाकुलाडिल बस्ने ६८ वर्षीया जुना विक सोमबार मृत अवस्थामा फेला परेकी छन् । यसैगरी हुम्ला, खार्पुनाथ गाउँपालिका-१ मुस्याडीस्थित कर्णाली नदीको किनारमा सडी गली पहिचान खुल्न नसकेको शव सोमबार फेला परेको छ । सवै घटनाका सम्बन्धमा प्रहरीले आवश्यक अनुसन्धान गरिरहेको छ ।