देशका विभिन्न स्थानबाट मृत अवस्थामा ४ जना फेला परेका छन् । धनकुटा, चौबिसे गाउँपालिका-७ सिमडाँडा बस्ने ४९ वर्षीय भीम बहादुर लिम्बु सोही ठाउँस्थित सल्लेरी सामुदायिक बनभित्र खोल्सीमा सोमबार मृत अवस्थामा फेला परेका छन् ।

त्यस्तै सल्यान, शारदा नगरपालिका-१ छापडाँडास्थित भुवनेश्वरी सामुदायिक वनमा छत्रेश्वर गाउँपालिका-७ वेताती बस्ने ५८ वर्षीया हरि कुमारी खड्का सोमबार मृत अवस्थामा फेला परेकी छिन् । यता दाङ, तुलसीपुर उपमहानगरपालिका-१६ डोक्रेना घर भई सोही उपमहानगरपालिका-६ गाईडर डेरा गरी बस्ने ३४ वर्षीय पुर्ण बहादुर बस्नेत र उनकै भाइ ३० वर्षीय टेक बहादुर बस्नेत आफ्नै कोठामा सोमबार मृत अवस्थामा फेला परेका छन् ।

यस्तै सिन्धुपाल्चोक, ईन्द्रावती गाउँपालिका-१२ ढोटार बस्ने २४ वर्षीय सेतीराम माझी सोही ठाउँस्थित ईन्द्रावती खोलामा सोमबार मृत अवस्थामा फेला परेका छन् । सवै घटनाका सम्बन्धमा प्रहरीले आवश्यक अनुसन्धान गरिरहेको छ ।