सवारी दुर्घटनामा तीन जनाको मृत्यु भएको छ । सिरहा, सिरहा नगरपालिका-१९ सन्हैठा नयाँचोकस्थित सडकमा स.२ प ४५३१ नम्बरको मोटरसाइकल र प्रदेश २-०१-००१ प १८५० नम्बरको मोटरसाइकल एक-आपसमा ठक्कर खाई बुधबार साँझ दुर्घटना हुँदा मोटरसाइकलमा सवार ३ जनाको मृत्यु भएको छ ।

मृत्यु हुनेहरूमा अर्नामा गाउँपालिका-५ बस्ने २७ वर्षीय दिनेश कुमार यादव, किशनपुर बस्ने ३२ वर्षीय रामवृक्ष यादव र रडियाह बस्ने १९ वर्षीय मुकेश कुमार सिंह रहेका छन् । दुर्घटनामा गम्भीर घाइते भएका उनीहरूको प्रादेशिक अस्पताल लाहानमा उपचारको क्रममा मृत्यु भएको हो ।

साथै दुर्घटनामा गम्भीर घाइते भएका १ जनालाई उपचारको लागि न्युरो अस्पताल विराटनगर पठाइएको छ । यस सम्बन्धमा प्रहरीले आवश्यक अनुसन्धान गरिरहेको छ ।