देशका विभिन्न स्थानबाट मृत अवस्थामा ६ जना फेला परेका छन् । काठमाडौं महानगरपालिका-१५ सानोभर्‍याङमा काभ्रे पाँचखल घर भएका २६ वर्षीय त्रिपाठी भनिने रबिन अधिकारी बुधबार मृत अवस्थामा फेला परेका छन् ।

यसैगरी गोकर्णेश्‍वर नगरपालिका-८ डेरा गरी बस्ने मकवानपुर गडी नगरपालिका-९ घर भएका ३८ वर्षीय प्रेम कुमार भुजेल र सोही नगरपालिका-८ माकलबारी डेरा गरी बस्ने सर्लाही ईश्‍वरपुर नगरपालिका-३ घर भएका २८ वर्षीय संगम पोख्रेल आ-आफ्नै कोठामा बुधबार मृत अवस्थामा फेला परेका छन् ।

त्यस्तै उदयपुर, त्रियुगा नगरपालिका-५ श्रीपुर बस्ने ३२ वर्षीय प्रदिप वाग्ले आफ्नै घरमा बुधबार मृत अवस्थामा फेला परेका छन् । यता रूकुम पश्चिम, चौरजहारी नगरपालिका-५ भाग्रि बस्ने ७८ वर्षीय राम बहादुर सार्की सोही ठाउँस्थित सिचाई कुलोमा बुधबार मृत अवस्थामा फेला परेका छन् ।

यस्तै , रूकुम पश्चिम, आठबिसकोट नगरपालिका-१३ घेत्मास्थित गुहे खोलामा सोही ठाउँ बस्ने ४६ वर्षीय मोति राम बुधबार मृत अवस्थामा फेला परेका छन् । उता सिरहा, नवराजपुर गाउँपालिका-३ मेनहामा यहाल नाम, थर, वतन नखुलेकओ अन्दाजी ५५ वर्षीया महिला बुधबार मृत अवस्थामा फेला परेकी छिन् । सवै घटनाका सम्बन्धमा प्रहरीले आवश्यक अनुसन्धान गरिरहेको छ ।