देशका विभिन्न स्थानबाट मृत अवस्थामा ४ जना फेला परेका छन् । मोरङ, सुन्दरहरैचा नगरपालिका-७ सिसौघारीस्थित गछीया खोलामा सोही ठाउँ बस्ने ६४ वर्षीय लाखमान तामाङ शनिबार मृत अवस्थामा फेला परेका छन् ।

त्यस्तै सुनसरी, इटहरी उपमहानगरपालिका-८ खोला टोली बस्ने ३३ वर्षीया आशा राई आफ्नै घरमा शनिबार मृत अवस्थामा फेला परेकी छिन् । यता मकवानपुर, मनहरी गाउँपालिका-४ सालघारी बस्ने ४५ वर्षीया बुद्धी माया चेपाङ आफ्नै घरमा शनिबार मृत अवस्थामा फेला परेकी छिन् ।

यस्तै जुम्ला, कानकासुन्दरी गाउँपालिका-३ बिसौना जंगलमा सोही गाउँपालिका ओखरपाटा बस्ने ३५ वर्षीया अमृता बुढा शुक्रबार मृत अवस्थामा फेला परेकी छिन् । घटनामा शंकास्पद १ जनालाई प्रहरीले आवश्यक अनुसन्धानको लागि नियन्त्रणमा लिएर यस सम्बन्धमा आवश्यक अनुसन्धान गरिरहेको छ ।