देशका विभिन्न स्थानबाट मृत अवस्थामा ५ जना फेला परेका छन् । रौतहट, राजपुर नगरपालिका-९ लाल बैरिया खोलाको बाँधको बाटोको भिरालो जमिनमा हाल नाम, थर, वतन नखुलेकी अन्दाजी २२ वर्षीया महिला शनिबार मृत अवस्थामा फेला परेकी छिन्

त्यस्तै भक्तपुर, मध्यपुर ठिमी नगरपालिका-१ लोकन्थली बस्ने हरीकृष्ण द्वारेको विगत ६ महिनादेखि बन्द रहेको धानको भुस राख्न बनाएको जस्ताको खाली टहरामा संखुवासभा सिलिचोङ गाउँपालिका-१ बस्ने ५० वर्षीय प्रजा बहादुर राई आइतबार मृत अवस्थामा फेला परेका छन् ।

यस्तै पर्वत, जलजला गाउँपालिका-३ बौरस्थित ठुलो सल्लेरी तथा भिरमुनी सामुदायिक वनमा म्याग्दी मंगला गाउँपालिका-३ बस्ने ३० वर्षीय पुष्पा सापकोटा आइतबार मृत अवस्थामा फेला परेका छन् । यता दैलेख, नौमुले गाउँपालिका-४ कालिका बस्ने ३८ वर्षीय भिम बहादुर योगी आफ्नै घरमा आइतबार मृत अवस्थामा फेला परेका छन् ।

उता धादिङ, गजुरी गाउँपालिका-५ गजुरीस्थित त्रिशुली नदीको किनारामा नुवाकोट म्यागाङ गाउँपालिका-३ बस्ने चमललाल तामाङकी छोरी ५ वर्षीया एन्जिला तामाङ आइतबार मृत अवस्थामा फेला परेकी छिन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।