नवकान्तिपुर संवाददाता
काठमाडौं, ११ मंसिर ।
सवारी दुर्घटनामा एक जनाको मृत्यु भएको छ । गुल्मी, रेसुङ्गा नगरपालिका-४ अर्खलेमा लु.१ ख ९४७५ नम्बरको बस र लु.८७ प ९८१ नम्बरको मोटरसाइकल एक-आपसमा ठक्कर खाई सोमबार बिहान दुर्घटना हुँदा मोटरसाइकल चालक सोही नगरपालिका-७ सेउगा बस्ने १९ वर्षीय विवेक झाक्री मगरको मृत्यु भएको छ ।
दुर्घटनामा गम्भीर घाइते भएका उनको जिल्ला अस्पताल तम्घासमा उपचारको मृत्यु भएको हो । बस चालकलाई प्रहरीले नियन्त्रणमा लिई यस सम्बन्धमा आवश्यक अनुसन्धान गरिरहेको छ ।
