देशका विभिन्न स्थानबाट मृत अवस्थामा ८ जना फेला परेका छन् । सल्यान, बागचौर नगरपालिका-६ सानाहिम हिमचौरस्थित भिरालो जग्गामा सोही ठाउँ बस्ने ४१ वर्षीय चित्र बहादुर वली मंगलबार मृत अबस्थामा फेला परेका छन् ।

त्यस्तै डोटी, दिपायल सिलगढी नगरपालिका-५ पुन्नास्थित सडकको नाली छेउमा सोही ठाउँ बस्ने ३० वर्षीय समिर भट्ट मंगलबार मृत अवस्थामा फेला परेका छन् । यता काठमाडौं, शंखरापुर नगरपालिका-६ साँखु डेरा गरी बस्ने सोही नगरपालिका-३ बोजेनी घर भएका ५० वर्षीय सुक बहादुर तामाङ आफ्नै डेरामा मंगलबार मृत अवस्थामा फेला परेका छन् ।

यसैगरी काठमाडौं, कीर्तिपुर नगरपालिका-४ स्थित दमाई खोलामा सोही नगरपालिका- ४ दमाई टोल डेरा गरी बस्ने रसुवा आमाछेदुङमा गाउँपालिका-१ घर भएकी ४० वर्षीया पार्वती तामाङ मंगलबार मृत अवस्थामा फेला परेकी छन् । यस्तै कैलाली, गोदावरी नगरपालिका-४ गोदावरीस्थित गोदावरी सामुदायिक वनमा धनगढी उपमहानगरपालिका-८ भईयाँघाट बस्ने डोटी शिखा नगरपालिका-५ घर भएकी ७० वर्षीया ईश्वरी देवी ओझा मंगलबार मृत अवस्थामा फेला परेकी छन् ।

उता धनुषा, धनौजी गाउँपालिका-४ भडरिया बिचला टोलस्थित आँपको बगैंचामा हाल नाम, थर, वतन नखुलेकी महिला मंगलबार मृत अवस्थामा फेला परेकी छन् । त्यसैगरी सिन्धुपाल्चोक, इन्द्रावती गाउँपालिका-१ भष्मेस्थित आलपाङ खोलाको किनारमा हाल नाम, थर, वतन नखुलेका अन्दाजी ४२ वर्षीय पुरूष सोमबार मृत अवस्थामा फेला परेका छन् ।

यता भक्तपुर, भक्तपुर नगरपालिका-८ च्यामासिह डेरा गरी बस्ने सिन्धुली झागाझुली रातमाटे गाउँपालिका-४ घर भएका ३९ वर्षीय उद्धव श्रेष्ठ आफ्नै कोठामा सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।