देशका विभिन्न स्थानबाट मृत अवस्थामा ४ जना फेला परेका छन् । उदयपुर, त्रियुगा नगरपालिका-८ खाट मन्दिर नजिकै सोही नगरपालिका-७ खोरिया टोल बस्ने ६२ वर्षीय गंगा बहादुर दनुवार मंगलबार मृत अवस्थामा फेला परेका छन् ।

त्यस्तै सल्यान, कुमाख गाउँपालिका-३ चिनालीस्थित काट्टोखाने खोलाको भिरमा सोही गाउँपालिका-२ रूमालगाउँ बस्ने ५५ वर्षीय पहेंले रावत मंगलबार मृत अवस्थामा फेला परेका छन् । यता तनहुँ, ब्यास नगरपालिका-१३ कैदिमघाटस्थित सेती मादी मिस्सिएको नदीको किनारमा हाल नाम, थर, वतन नखुलेका पुरूष मंगलबार मृत अवस्थामा फेला परेका छन् ।

यस्तै रौतहट, चन्द्रपुर नगरपालिका-१ दोभानटोलस्थित रेल्वे ट्रयाक नजिकै खर घारीमा हाल नाम, थर, वतन नखुलेका अन्दाजी ५० वर्षीय पुरूष मंगलबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको छ ।