देशका विभिन्न स्थानबाट मृत अवस्थामा दुई जना फेला परेका छन् । सुनसरी, धरान उपमहानगरपालिका-६ पानमारी बस्ने ५३ वर्षीय समुन्द्र कुमार राई सोही ठाउँस्थित पानीको कुलोमा बिहीबार मृत अवस्थामा फेला परेका छन् ।

त्यस्तै जुम्ला,  हिमा गाउँपालिका-१ बड्की बस्ने ७३ वर्षीय मिम बहादुर शाही सोही ठाउँस्थित भिरमा बुधबार मृत अवस्थामा फेला परेका छन् । घर नजिकैको वनमा गाई चराउन गएका उनी साँझसम्म घर नफर्किए पछि खोजी गर्ने क्रममा शव फेला परेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।