देशका विभिन्न स्थानबाट मृत अवस्थामा विभिन्न स्थानबाट ७ जना फेला परेका छन् । कास्की, पोखरा महानगरपालिका-१३ दुई कुलाको मुहानमा तनहुँ भानु नगरपालिका-५ ठेगाना भएका २६ वर्षीय योराज थापा सोमबार मृत अवस्थामा फेला परेका छन् ।

त्यस्तै दाङ, शान्तिनगर गाउँपालिका-७ बुढाडवर बस्ने ५४ वर्षीया बिपि खत्री आफ्नै गोठको कोठामा सोमबार मृत अवस्थामा फेला परेकी छन् । यता बाँके, कोहलपुर नगरपालिका-१२ चप्परगौडी बस्ने २३ वर्षीय सुशिल बिष्ट आफ्नै सुत्ने कोठामा सोमबार मृत अवस्थामा फेला परेका छन् ।

यस्तै सुनसरी, धरान उपमहानगरपालिका-१ भुमी मार्गस्थित सडक छेउको खाली जग्गामा अन्दाजी ३५ वर्षीय मानिस सोमबार मृत अवस्थामा फेला परेका छन् । उता धनुषा, मिथिला नगरपालिका-५ श्रीपुरस्थित खेतमा हाल नाम, थर, वतन नखुलेकी अन्दाजी ३५ वर्षीया महिला आइतबार मृत अवस्थामा फेला परेकी छिन् ।

त्यसैगरी हुम्ला, खार्पुनाथ गाउँपालिका-४ छिप्रा बस्ने प्रबजन उपाध्यको घरको तल्लो तलामा रहेको गाईगोरु बाँध्ने स्थानमा हाल नाम, थर, वतन नखुलेका अन्दाजी ५० वर्षीय पुरुष आइतबार मृत अवस्थामा फेला परेका छन् ।यस्तै झापा, मेचिनगर नगरपालिका-१३ पुरानो आईतबारे हटियास्थित बाटो छेउको नालीमा हाल नाम, थर, वतन नखुलेका अन्दाजी ३५ वर्षीय पुरुष आइतबार मृत अवस्थामा फेला परेका छन् । सवै घटनाका सम्बन्धमा प्रहरीले थप अनुसन्धान गरिरहेको छ ।