चितवनमा जुवातास खेलिरहेको अवस्थामा ६ जना पक्राउ परेका छन् । चितवन, भरतपुर महानगरपालिका-७ प्रेमबस्ती बस्ने गुन बहादुर मगरको घरमा जुवातास खेलिरहेको अवस्थामा प्रहरीले ६ जनालाई आइतबार राति पक्राउ गरेको हो ।

पक्राउ पर्नेमा सोही ठाउँ बस्ने ३५ वर्षीय मेघ बहादुर मगरसहित ६ जना रहेका छन् । उक्त घरमा जुवातास खेलेको भन्ने सूचनाको आधारमा इलाका प्रहरी कार्यालय गीतानगरबाट खटिएको प्रहरीले उनीहरूलाई पक्राउ गरेको हो ।

प्रहरीले जुवाखालबाट  नगद ४० हजार १ सय ५५ रूपैयाँ र ३ बुक तास बरामद गरेको छ । यस सम्बन्धमा प्रहरीले आवश्यक अनुसन्धान गरिरहेको छ ।