देशका विभिन्न स्थानबाट मृत अवस्थामा ६ जना फेला परेका छन् । ललितपुर, ललितपुर महानगरपालिका-२६ राजकुलो सुनाकोठी बस्ने मकवानपुर बकैया गाउँपालिका-१० घर भएका ४० वर्षीय दशरथ सन्जेल आफू सुत्ने कोठामा शुक्रबार मृत अवस्थामा फेला परेका छन् ।

त्यस्तै पर्वत, फलेबास नगरपालिका-५ खानिगाउँ भोकेखोला बस्ने ३६ वर्षीय खुम बहादुर बिक सोही नगरपालिका-३ स्थित दयाराम पराजुलीको छाप्रोमा शुक्रबार मृत अवस्थामा फेला परेका छन् । यता सुनसरी, बराहक्षेत्र नगरपालिका-१ चतरा घाटस्थित कोशी नदीको किनारमा उदयपुर बेलका नगरपालिका-८ बस्ने ६१ वर्षीय लक्षु कुमार राई शुक्रबार मृत अवस्थामा फेला परेका छन् ।

कोशी नदीमा माछा मार्न जान्छु भनि हिँडेका उनी गत ११ गतेदेखि बेपत्ता भएका थिए । यस्तै कास्की, पोखरा महानगरपालिका-१९ पुरनचौर गुठी बस्ने ६२ वर्षीय बेल बहादुर अधिकारी सोही ठाउँस्थि भिरबाट करिब ७० मिटर तल शुक्रबार मृत अवस्थामा फेला परेका छन् ।

उता गोरखा, पालुङटार नगरपालिका-६ कुमालटारीस्थित गोरेटो बाटोको छेउमा हाल नाम, थर, वतन नखुलेकी अन्दाजी २५ वर्षीया महिला बिहीबार मृत अवस्थामा फेला परेकी छिन् । यता काठमाडौं महानगरपालिका-६ बौद्ध महाकालस्थित सडक पेटीमा हाल नाम, थर, वतन नखुलेका अन्दाजी ६५ वर्षीय पुरुष शुक्रबार मृत अवस्थामा फेला परेका छन् । सबै घटनाका सम्बन्धमा प्रहरीले आवश्यक अनुसन्धान गरिरहेको छ ।