देशका विभिन्न स्थानबाट मृत अवस्थामा ८ जना फेला परेका छन् । काठमाडौं, कागेश्‍वरी मनोहरा नगरपालिका-६ मुलपानी घर भएका ३८ वर्षीय अमृत ढकाल आफ्नै घरमा सोमबार मृत अवस्थामा फेला परेका छन् ।

त्यस्तै चितवन, भरतपुर महानगरपालिका-४ भगवती टोल डेरा गरी बस्ने प्यूठान मालारानी नगरपालिका-४ घर भएकी ४२ वर्षीया झरना बैजाली पुन मगर आफ्नै कोठामा सोमबार मृत अवस्थामा फेला परेकी छन् । यता मोरङ, बिराटनगर महानगरपालिका-६ रामपुर चोक बस्ने ४५ वर्षीय राजेश सहनी आफ्नै घर नजिक सोमबार मृत अवस्थामा फेला परेका छन् ।

उता रूपन्देही, सैनामैना नगरपालिका-६ बैकुण्ठपुर डेरा गरी बस्ने गुल्मी इस्मा गाउँपालिका- ६ घर भएका ५५ वर्षीय थकारी कुमाल आफ्नै कोठामा सोमबार मृत अवस्थामा फेला परेका छन् । यस्तै सुर्खेत, भेरीगंगा नगरपालिका-१२ छिन्चु बजारस्थित पेटीमा सोही नगरपालिका-४ बाहुनचौर बस्ने ४२ वर्षीय प्रेम परियार सोमबार मृत अवस्थामा फेला परेका छन् ।

यसैगरी जाजरकोट, बारेकोट गाउँपालिका-८ लैखम बस्ने ७५ वर्षीया धनी खत्री सोही नगरपालिका-८ अँधेरीखोला भन्ने स्थानमा सोमबार मृत अवस्थामा फेला परेकी छन् । त्यसैगरी काठमाडौं, तारकेश्वर नगरपालिका-११ मनमैजु बस्ने ओखलढुङ्गा सुनकोशी गाउँपालिका-७ घर भएका ५६ वर्षीय लेख बहादुर कार्की सोही नगरपालिका-९ मनमैजुस्थित चौरमा आइतबार मृत अवस्थामा फेला परेका छन् ।

त्यस्तै धनकुटा, धनकुटा नगरपालिका-१ ओक्मालुङस्थित घट्टे खोलामा हाल नाम, थर, वतन नखुलेकी महिला आइतबार मृत अवस्थामा फेला परेकी छन् । यस सम्बन्धमा प्रहरीले आवश्यक अनुसन्धान गरिरहेको छ ।