देशका विभिन्न स्थानबाट मृत अवस्थामा ७ जना फेला परेका छन् । काठमाडौं, गोकर्णेश्वर नगरपालिका-५ जोरपाटीस्थित सडक पेटीमा बुढानिलकण्ठ नगरपालिका-११ कपन घर भएका ४५ वर्षीय राजु नेपाली बुधबार मृत अवस्थामा फेला परेका छन् ।

त्यस्तै बर्दिया, ठाकुरबाबा नगरपालिका-५ खोनपुर बस्ने ६० वर्षीया रुन्ची थारु सोही ठाउँस्थित खेतमा पानी सिचाई गर्ने कुलोमा बुधबार मृत अवस्थामा फेला परेकी छन् । यता पर्सा, वीरगन्ज महानगरपालिका-१६ ईनर्वागाँउ बस्ने २५ वर्षीय राकेश पटेल आफ्नै सुत्ने कोठामा बुधबार मृत अवस्थामा फेला परेका छन् ।

यस्तै पाँचथर, हिलिहाङ गाउँपालिका-३ गोपेटार बस्ने ३६ वर्षीया प्रमिला परियार आफ्नै घरमा मंगलबार मृत अवस्थामा फेला परेकी छन् । उता सुनसरी, धरान उपमहानगरपालिका-१३ जानकीचोक डेरा गरी बस्ने धनकुटा साँगुरीगढी गाउँपालिका-३ घर भएकी २८ वर्षीया बिनिता लिम्बु आफ्नै डेरा कोठामा मंगलबार मृत अवस्थामा फेला परेकी छन् ।

यसैगरी सुनसरी, बराहक्षेत्र नगरपालिका-९ धरहरा टप्पनस्थित कोशी नदीको भंगालोमा हाल नाम, थर, वतन नखुलेका अन्दाजी ४० वर्षीय पुरूष मंगलबार मृत अवस्थामा फेला परेका छन् । यस्तै सप्तरी, राजबिराज नगरपालिका-१२ दमाबत्तीस्थित ठुलो नहरको पानीमा हाल नाम, थर, वतन नखुलेका अन्दाजी ४२ वर्षीय पुरुष मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।