देशका विभिन्न स्थानबाट मृत अवस्थामा तीन जना फेला परेका छन् । रौतहट, फतुवाबिजयपुर नगरपालिका-६ पेटभर्वाबाट मलाही जाने भित्री सडकमा हाल नाम, थर, वतन नखुलेका करिब ५२ वर्षीय पुरूष शुक्रबार मृत अवस्थामा फेला परेका छन् ।

त्यस्तै कास्की, पोखरा महानगरपालिका-१० रामघाटस्थित सेती नदीमा हाल नाम, थर, वतन नखुलेका अन्दाजी २५ वर्षीय पुरूष बिहीबार मृत अवस्थामा फेला परेका छन् । यता इलाम, माई नगरपलका-८ कलकत्ते बस्ने ३७ वर्षीय अशोक लिम्बु सोही नगरपालिका-९ कुडुलेस्थित झोलुङ्गे पुल मुनी बिहीबार मृत अवस्थामा फेला परेका छन् ।

मंसिर २२ गतेदेखि हराई बेपत्ता भएका उनको खोजी गर्ने क्रममा शव फेला परेको हो । सबै घटनाका सम्बन्धमा प्रहरीले थप अनुसन्धान गरिरहेको छ ।