देशका विभिन्न स्थानबाट मृत अवस्थामा ६ जना फेला परेका छन् । म्याग्दी, धौलागिरी गाउँपालिका-७ हालापोखरी बस्ने ७६ वर्षीया मन कुमारी पुन सोही गाउँपालिका-७ खोर्वाङस्थित म्याग्दी खोलाको खोचमा बिहीबार मृत अवस्थामा फेला परेकी छन् ।

त्यस्तै काठमाडौं, टोखा नगरपालिका-९ गोंगबुस्थित हिमालय बृद्धाश्रममा बस्दै आएका हाल वतन नखुलेका ७१ वर्षीय गुम बहादुर सारु मगर सोही आश्रममा आफ्नै सुत्ने ओछ्‍यानमा बिहीबार मृत अवस्थामा फेला परेका छन् ।यता काभ्रेपलाञ्चोक, बेथानचोक गाउँपालिका-६ घर भई मण्डनदेउपर नगरपालिका-७ ठुलोचौरस्थित आफ्नै भाइको घरमा बस्दै आएकी ७० वर्षीया सानुमाया लामा भान्छा कोठामा बिहीबार मृत अवस्थामा फेला परेकी छन् ।

उता रूपन्देही, तिलोत्तमा नगरपालिका-७ दल्कास्थित दल्का पुलको पानीको नहरमा सोही ठाउँ बस्ने ६० वर्षीय कमल बहादुर केसी बिहीबार मृत अवस्थामा फेला परेका छन् । यस्तै रूकुम पश्चिम, मुसिकोट नगरपालिका-१० चौखावाङ घर भई सोही नगरपालिका-१ बागबजार डेरा गरी बस्ने ४० वर्षीय फल बहादुर वली सोही नगरपालिका-५ सेरीगाउँस्थित आफन्तको घरमा बिहीबार मृत अवस्थामा फेला परेका छन् ।

यसैगरी सुनसरी, कोशी गाउँपालिका-८ स्थित सप्तकोशीको पुर्वी नहरको ७ नम्बर ढोकाको पानीमा हाल नाम, थर, वतन नखुलेका अन्दाजी ४५ वर्षीय पुरूष बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।