देशका विभिन्न स्थानबाट मृत अवस्थामा ४ जना फेला परेका छन् । सुनसरी, धरान उपमहानगरपालिका-१५ नयाँ बसपार्कमा हाल नाम, थर, वतन नखुलेका अन्दाजी ६५ वर्षीय पुरूष आइतबार मृत अवस्थामा फेला परेका छन् ।

त्यस्तै रूकुम पश्चिम, आठविसकोट नगरपालिका-८ घर भई स्याला बस्ने ज्ञानोदय माध्यमिक विद्यालय सिम्लीका शिक्षक ३८ वर्षीय परबिर बुढा सोही नगरपालिका-७ खारखाडाको भिरस्थित खोल्सामा शनिबार मृत अवस्थामा फेला परेका छन् । शुक्रबार स्कुलबाट घर जान्छु भनि निस्केका उनी घर नफर्किएपछि खोजी गर्ने क्रममा उक्त खोल्सामा शव फेला परेको हो ।

यता मोरङ, बिराटनगर महानगरपालिका-५ कोचाखाल चोक डेरा गरी बस्ने भोजपुर, भोजपुर नगरपालिका-७ पोखरे लाइन घर भएका ७० वर्षीय सम्बर बहादुर श्रेष्ठ आफ्नै कोठामा शनिबार मृत अवस्थामा फेला परेका छन् । यस्तै धनकुटा, धनकुटा नगरपालिका-९ बेलहारा बेसी बस्ने ७४ वर्षीया ईन्द्र कुमारी राई सोही ठाउँस्थित तमोर नदी किनारामा शनिबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।