नवकान्तिपुर संवाददाता
काठमाडौं, १३ पुस ।
बाजुरामा जिप दुर्घटना हुँदा एक जनाको मृत्यु भएको छ भने एक जना घाइते भएका छन् । बिहीबार राति घटमुनाबाट सिया ढुङ्गा जाँदै गरेको से१ज ९८९ नंको जिप गौमूल गाउँपालिका नजिकै मालिवन भनी ठाउँमा दुर्घटना भएको हो ।
दुर्घटनामा परी मृत्यु हुनेमा खप्तड छेडेदह गाउँपालिका ६ घर भएका जिप धनी अन्दाजी ३८ वर्षीय देवेन्द्रनाथ रहेको जिल्ला प्रहरी कार्यालय बाजुराले जनाएको छ । अनियन्त्रित भई दुुर्घटना भएको हुन सक्ने प्रहरी निरीक्षक किशोरसिं ऐरीले जानकारी दिए ।
त्यस्तै जिपमा सवार जय मालिका यातायात प्रालिका ‘काउन्टर प्रमुख’ मदन रोकाया घाइते भएका छन् । जिप सडकबाट करिब दुई सय मिटर तल खोलामा खसेको प्रहरीले जनाएको छ । घटनाको विषयमा प्रहरीले थप अनुसन्धान गरिरहेको छ ।
