देशका विभिन्न स्थानबाट मृत अवस्थामा चार जना फेला परेका छन् । काठमाडौं, बुढानिलकण्ठ नगरपालिका-१३ सापाटारमा सोही ठाउँ बस्ने भोजपुर घर भएकी ५० वर्षीया टिकामाया लिम्बु सोमबार मृत अवस्थामा फेला परेकी छिन् ।

त्यस्तै मकवानपुर, हेटौंडा उपमहानगरपालिका-२ संगमचोकस्थित मानिस नबस्ने पुरानो घरमा सोही उपमहानगरपालिका-५ सानोपोखरा बस्ने ४५ वर्षीय राजु गुरूङ आइतबार मृत अवस्थामा फेला परेका छन् । यता तनहुँ, आँबुखैरेनी गाउँपालिका-४ पुलजिपस्थित त्रिशुली नदीको किनारमा भानु नगरपालिका-६ बस्ने ३१ वर्षीय सोम रोका सोमबार मृत अवस्थामा फेला परेका छन् ।

यस्तै गोरखा, सिरानचोक गाउँपालिका-४ कृषिखोलास्थित खोलामा हाल नाम, थर, वतन नखुलेका करिब ५५ वर्षीय पुरूष आइतबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।