देशका विभिन्न स्थानबाट मृत अवस्थामा चार जना फेला परेका छन् । कास्की, पोखरा महानगरपालिका-२१ फुस्रेखोलास्थित प्रतिक्षालयमा सोही महानगरपालिका- २१ खत्री गाउँ बस्ने ६० वर्षीय कर्ण बहादुर खत्री बिहीबार मृत अवस्थामा फेला परेका छन् ।
यसैगरी कास्की, पोखरा महानगरपालिका-२५ हेम्जास्थित सेती नदीको किनारा हाल नाम, थर, वतन नखुलेका अन्दाजी ३५ वर्षीय पुरुष बिहीबार मृत अवस्थामा फेला परेका छन् । यता काठमाडौं महानगरपालिका-१५ बिजेश्वरी डेरा गरी बस्ने तनहुँ किहुँ घर भएकी ५१ वर्षीया सफिना मिया बुधबार आफ्नै डेरा कोठामा मृत अवस्थामा फेला परेकी छिन् ।
यस्तै ओखलढुंगा, मानेभन्ज्यङ गाउँपालिका-७ हर्कपुरस्थित निर्माणाधिन शिव मन्दिर क्षेत्रमा विगत ३ वर्षदेखि मागी खाई हिँड्ने करिब ६५ वर्षीय दावा शेर्पा नाम बताउने पुरुष बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
