नवकान्तिपुर संवाददाता
काठमाडौं, २७ माघ ।
उदयपुर, बेलका नगरपालिका-६ बस्ने २४ वर्षीय दिपेश राई र सोही नगरपालिका-९ बस्ने ३० वर्षीय भुपेन्द्र राईलाई भरूवा बन्दुक र लागूऔषधसहित शुक्रबार दिउँसो प्रहरीले पक्राउ गरेको छ ।
इलाका प्रहरी कार्यालय रामपुरठोक्सिलाबाट खटिएको प्रहरीले दिपेशको घर तलासी गर्दा लोड गरी राखेको अवस्थामा भरूवा बन्दुक १ थान, बन्दुकमा लाग्ने बारूद, नियन्त्रित लागूऔषध ट्रामाडोल १२ चक्की र गाँजा ५ सय १० ग्राम फेला पारी दुवै जनालाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
