देशका विभिन्न स्थानबाट मृत अवस्थामा चार जना फेला परेका छन् । दोलखा, कालिन्चोक गाउँपालिका-२ बाबरेस्थित पाखो बारीमा हाल नाम, थर, वतन नखुलेका अन्दाजी ७६ वर्षीय पुरूष मंगलबार मृत अवस्थामा फेला परेका छन् ।

त्यस्तै सुनसरी, रामधुनी नगरपालिका-७ पन्चायन बस्ने ४१ वर्षीय बिर्ख बहादुर मगर सोही ठाउँस्थित खेतमा मंगलबार मृत अवस्थामा फेला परेका छन् । यस्तै तनहुँ, ऋषिङ गाउँपालिका-७ सुसेभञ्ज्याङ बस्ने ६६ वर्षीय लोक बहादुर रानाभाट आफ्नै घरको बार्तलीमा मंगलबार मृत अवस्थामा फेला परेका छन् ।

उता चितवन, खैरहनी नगरपालिका-२ चैनपुरस्थित निर्माणाधिन हर्वल कम्पनीको पर्खाल छेउमा सोही ठाउँ बस्ने २४ वर्षीय कृष्ण प्रसाद खनाल मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।