देशका विभिन्न स्थानबाट मृत अवस्थामा तीन जना फेला परेका छन् । बारा, जितपुरसिमरा उपमहानगरपालिका-२२ गुण्डु पुलस्थित जंगलमा सर्लाही हरिवन नगरपालिका-१० बस्ने ३४ वर्षीया फुलमाया ब्लोन शुक्रबार मृत अवस्थामा फेला परेकी छिन् ।

त्यस्तै जाजरकोट, शिवालय गाउँपालिका-९ नाहाडा बस्ने २२ वर्षीय गोपाल बुढा छेडागाड नगरपालिका-४ लेवा बजार नजिकै खोल्सामा शुक्रबार मृत अवस्थामा फेला परेका छन् । यस्तै नवलपरासी पश्चिम, रामग्राम नगरपालिका-३ स्थित रामखण्ड खोलामा सोही नगरपालिका-६ पोखरापाली बस्ने ६० वर्षीय रामकृपाल सुनार शनिबार मृत अवस्थामा फेला परेका छन् ।

यस सम्बन्धमा प्रहरीले आवश्यक अनुसन्धान गरिरहेको छ ।