देशका विभिन्न स्थानबाट मृत अवस्थामा पाँच जना फेला परेका  छन् । कञ्चनपुर, भिमदत्त नगरपालिका-४ कालीपुलस्थित नहरमा सोही ठाउँ बस्ने ३५ वर्षीय चन्द्र बहादुर बिष्ट मंगलबार मृत अवस्थामा फेला परेका छन् ।

घटनाको अनुसन्धान एवम्सो धपुछको लागि तीन जनालाई प्रहरीले नियन्त्रणमा लिएको छ । त्यस्तै जुम्ला, गुठिचौर गाउँपालिका-२ बस्ने ५६ वर्षीय मुन बहादुर बुढा सोही ठाउँस्थित कुडिसेन्टर खोलामा मंगलबार मृत अवस्थामा फेला परेका छन् ।

यस्तै ताप्लेजुङ, मैवाखोला गाउँपालिका-३ तम्बे बस्ने ३७ वर्षीय लक्ष्मी राज लिम्बु सोही ठाउँस्थित सल्ले जंगलको भिरमा मंगलबार मृत अवस्थामा फेला परेका छन् । आइतबारदेखि घरबाट हिँडेका उनको खोजी गर्ने क्रममा शव फेला परेको हो । यता चितवन, भरतपुर महानगरपालिका-१ पोखरा बसपार्क पछाडी नारायणी नदीको तिरमा तनहुँ देवघाट गाउँपालिका-५ बस्ने ५१ वर्षीया शारदा पौडेल मंगलबार मृत अवस्थामा फेला परेकी छन् ।

उता सुनसरी, बराहक्षेत्र नगरपालिका-१ चतरास्थित कोशी नदीमा रामधुनी नगरपालिका-७ रानिपोखरी बस्ने ८० वर्षीया जोगमाया नेपाल सोमबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।