देशका विभिन्न स्थानबाट मृत अवस्थामा तीन जना फेला परेका छन् । नुवाकोट, किस्पाङ गाउँपालिका-५ नाप्रङ्चेत प्लोरो पाखास्थित जलकन्यादेवी सामुदायिक वनको गोरेटो बाटोमा रसुवा उत्तरगया गाउँपालिका-२ डाँडागाउँ बस्ने ७३ वर्षीय भुन्टे भट्ट भन्ने टेक प्रसाद भट्ट मंगलबार मृत अवस्थामा फेला परेका छन् ।

त्यस्तै चितवन, भरतपुर महानगरपालिका-१ पोखरा बसपार्कस्थित स्वस्तिक होटलमा गोरखा भिमसेन गाउँपालिका-५ घर भएका ८२ वर्षीय कृष्ण बहादुर भट्ट बुधबार मृत अवस्थामा फेला परेका छन् ।

यस्तै स्याङ्जा,  आँधिखोला गाउँपालिका-६ निबुवाकोट बस्ने २८ वर्षीय राजन ढकाल पुतली बजार नगरपालिका-४ उनीयाचौरस्थित सडकको नालीमा बुधबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।