देशका विभिन्न स्थानबाट मृत अवस्थामा पाँच जना फेला परेका छन् । कास्की, पोखरा महानगरपालिका-३२ गढिघाटस्थित सेती नदीमा सोही महानगरपालिका-३१ तावाको मुख बस्ने ५५ वर्षीय तेजराज ओझा बिहीबार मृत अवस्थामा फेला परेका छन् ।

त्यस्तै रूपन्देही, सियारी गाउँपालिका-१ कुञ्जवनस्थित गोठमा तिलोत्तमा नगरपालिका- १४ बस्ने ४१ वर्षीय राजाराम कुर्मी बिहीबार मृत अवस्थामा फेला परेका छन् । यस्तै झापा, मेचीनगर नगरपालिका-१३ अठार कठ्ठेस्थित बाटो छेउमा हाल नाम, थर, वतन नखुलेका अन्दाजी ५० वर्षीय पुरूष बुधबार मृत अवस्थामा फेला परेका छन् ।

उता गोरखा, गण्डकी गाउँपालिका-७ ज्यामिरेघाटस्थित त्रिशुली नदीमा सोही गाउँपालिका-७ लामिडाँडा बस्ने ७२ वर्षीय राम प्रसाद पन्त बुधबार मृत अवस्थामा फेला परेका छन् । यता स्याङ्जा, अर्जुनचौपारी गाउँपालिका-३ सल्यान गहते बस्ने ६० वर्षीय खड्क बहादुर काफ्ले क्षेत्री सोही ठाउँस्थित खोपाको खोला जंगलमा बुधबार मृत अवस्थामा फेला परेका छन् ।

विगत ४ दिन देखि हराएका उनको खोजी गर्ने क्रममा शव फेला परेको हो । यस सम्बन्धमा प्रहरीले थप अनुसन्धान गरिरहेको छ ।