देशका विभिन्न स्थानबाट मृत अवस्थामा चार जना फेला परेका छन् । चितवन, भरतपुर महानगरपालिका-२७ सिसवारस्थित नारायणी नदीमा हाल नाम, थर, वतन नखुलेका अन्दाजी ३० वर्षीय पुरुष आइतबार मृत अवस्थामा फेला परेका छन् ।

त्यस्तै भक्तपुर, मध्यपुर ठिमी नगरपालिका-३ कौशलटार कुटुटोलस्थित गणेश मन्दिरको प्राङगणमा सालनाल सहितको नवजात बालिका शिशुको शव आइतबार फेला परेको छ । यस्तै लमजुङ, बेसीशहर नगरपालिका-२ चिसापानी काफलडाँडा बस्ने ६८ वर्षीय जित बहादुर गुरुङ सोही ठाउँस्थित जंगलमा गएराति मृत अवस्थामा फेला परेका छन् ।

उता कपिलवस्तु, बाणगंगा नगरपालिका-२ कप्टैयास्थित लालमटिया सामुदायिक बनमा सोही ठाउँ बस्ने ५० वर्षीय बिण्णु प्रसाद घिमिरे र रूपन्देही कचंन गाउँपालिका-५ बस्ने ४५ वर्षीया यमकला राना शनिबार मृत अवस्थामा फेला परेका छन् । यस सम्बन्धमा आवश्यक अनुसन्धान गरिरहेको छ ।