सुनको मूल्य प्रतितोला रु ३०० ले घटेको छ  । स्थानीय बजारमा आज (सोमबार) छापावाल सुनको मूल्य प्रतितोला रु १ लाख ३८ हजार १०० रहेकोमा आइतबार रु १ लाख ३८  हजार ४०० मा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज तेजाबी सुनको मूल्य प्रतितोला रु १ लाख ३७ हजार ४५० रहेकामा आइतबार प्रतितोला रु १ लाख ३७ हजार ७५० मा कारोबार भएकोे थियो ।

यता आज चाँदीको मूल्य भने आइतबारको मूल्य भन्दा १० रुपैयाँ घट्दै एक हजार ७१५ मा कारोबार भएको छ । आइतबार चाँदी प्रतितोला एक हजर ७२५ मा कारोबार भएको थियो । महासङ्घले अन्तर्राष्ट्रिय बजारमा सुन तथा चाँदीका मूल्यमा हुने घटबढका आधारमा यहाँ दैनिक कारोबार मूल्य तोक्दै आएको छ ।