देशका विभिन्न स्थानबाट मृत अवस्थामा पाँच जना फेला परेका छन् । कास्की, पोखरा महानगरपालिका-६ लेकसाइड कोप्चेघाटस्थित फेवातालमा पर्वत फलेवास नगरपालिका-८ ठानामौला घर भएका ५८ वर्षीय नेत्र बहादुर क्षेत्री शनिबार मृत अवस्थामा फेला परेका छन् ।

त्यस्तै उदयपुर, कटारी नगरपालिका-७ बुढाबुढीस्थित गोरेटो बाटोमा उदयपुरगढी गाउँपालिका-३ बस्ने ६० वर्षीय मानबिर विश्वकर्मा शुक्रबार मृत अवस्थामा फेला परेका छन् । यसैगरी उदयपुर, बेलका नगरपालिका-७ कोसपास्थित सप्तकोशी नदीको किनारमा हाल नाम, थर, वतन नखुलेकी अन्दाजी ४० वर्षीया महिला र हाल नाम, थर, वतन नखुलेका पुरूष शुक्रबार मृत अवस्थामा फेला परेका छन् ।

यस्तै रोल्पा, सुनिलस्मृती गाउँपालिका-२ महेन्द्रीस्थित माडी खोलामा हाल नाम, थर, वतन नखुलेका अन्दाजी ५० वर्षीय पुरूष शुक्रबार मृत अवस्थामा फेला परेका छन् । उता झापा, बुद्धशान्ती गाउँपालिका-२ जयपुर चोकमा हाल, नाम, थर, वतन नखुलेका अन्दाजी ६६ वर्षीय पुरूष शुक्रबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।