देशका विभिन्न स्थानबाट मृत अवस्थामा चार जना फेला परेका छन् । खोटाङ, साकेला गाउँपालिका-२ पिनालाखा बस्ने ४१ वर्षीय रमेश राई सोही ठाउँस्थित कोलेखोल्सा नजिक आइतबार मृत अवस्थामा फेला परेका छन् ।

सोही गाउँपालिका-२ स्थित कोलगाउँमा साकेला नाँच हेर्न गएका उनी घर नफर्किएपछि खोजी गर्ने क्रममा शव फेला परेको हो । त्यस्तै बझाङ, बित्थडचिर गाउँपालिका-४ बस्ने ४५ वर्षीय राम बहादुर बोहरा आफ्नै घरमा आइतबार मृत अवस्थामा फेला परेका छन् ।

यस्तै कैलाली, गोदावरी नगरपालिका-८ जमुनाभाडीस्थित नालामा सोही नगरपालका-८ जमुनाभाडी बस्ने ५५ वर्षीय नर बहादुर धामी आइतबार मृत अवस्थामा फेला परेका छन् । उता सप्तरी, हनुमाननगर कंकालिनी नगरपालिका-१ कोशी ब्यारेज नदीको दक्षिण किनारमा हाल नाम, थर, वतन नखुलेका पुरूष आइतबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।