देशका विभिन्न स्थानबाट मृत अवस्थामा आठ जना फेला परेका छन् । कपिलवस्तु, शिवराज नगरपालिका-१ शिवपुरस्थित सडकमा बिजयनगर गाउँपालिका-१ मधुनगर बस्ने ३२ वर्षीय शिबु शाही शुक्रबार मृत अवस्थामा फेला परेका छन् ।

त्यस्तै झापा, कन्काई नगरपालिका-४ पाथीभरा टोलस्थित प्रकाश श्रेष्ठको घरमा काम गरी बस्ने इलाम घर बताउने ७३ वर्षीय नर ध्वोज लिम्बु सोही घरमा शुक्रबार मृत अवस्थामा फेला परेका छन् । यस्तै रूपन्देही, ओमसतिया गाउँपालिका-१ ठूलो कटैयास्थित खेतमा सियारी गाउँपालिका-१ वृन्दावन बस्ने ५० वर्षीय नर बहादुर विक र बुटवल उपमहानगरपालिका- १० रामनगरको जंगलमा सोही उपमहानगरपालिका-११ बस्ने सुद्धोधन गाउँपालिका-३ घर भएका ३७ वर्षीय लक्ष्मण सार्की शुक्रबार मृत अवस्थामा फेला परेका छन् ।

उता सुनसरी, धरान उपमहानगरपालिका-११ सिर्जना चोक बस्ने ५० वर्षीय शंकर श्रेष्ठ सोही ठाउँस्थित सडक छेउको नालीमा र इटहरी उपमहानगरपालिका-१३ खनारस्थित नहरमा हाल नाम, थर, वतन नखुलेकी अन्दाजी ३५ वर्षीया महिला शुक्रबार मृत अवस्थामा फेला परेका छन् । यता सिरहा, कर्जन्हा नगरपालिका-१ रतनपुरस्थित शिवमन्दिरको धर्मशालामा हाल नाम, थर, वतन नखुलेकी ६५ वर्षीया महिला शुक्रबार मृत अवस्थामा फेला परेकी छिन् ।

यसैगरी रूपन्देही, बुटवल उपहानगरपालिका-१७ रानिगंज बस्ने २७ वर्षीय दामोदर थारू सोही ठाउँस्थित खेतमा बिहीबार मृत अवस्थामा फेला परेका छन् । यस्तै रौतहट, राजपुर नगरपालिका-५ मदनी चोक बस्ने ३२ वर्षीया नाजबुन नेसा आफ्नै घरमा शुक्रबार मृत अवस्थामा फेला परेका छन् । यस सम्बन्धमा प्रहरीले थप अनुसन्धान गरिरहेको छ ।