देशका विभिन्न स्थानबाट मृत अवस्थामा सात जना फेला परेके छन् । रौतहट, यमुनामाई गाउँपालिका-४ स्थित झाझ खोलामा हाल नाम, थर, वतन नखुलेकी अन्दाजी ३० वर्षीया महिला सोमबार मृत अवस्थामा फेला परेकी छिन् ।

त्यस्तै बर्दिया, ठाकुरबाबा नगरपालिका-९ स्थित खौराह खोलाको बीच टापुमा हाल नाम, थर, वतन नखुलेका अन्दाजी ५० वर्षीय पुरूष सोमबार मृत अवस्थामा फेला परेका छन् । यस्तै स्याङ्जा, भिरकोट नगरपालिका-४ भिरकोट पार्कस्थित आँधीखोला किनारमा हाल नाम, थर, वतन नखुलेकी अन्दाजी ५० वर्षीया महिला सोमबार मृत अवस्थामा फेला परेकी छिन् ।

उता रौतहट, माधव नारायण नगरपालिका-९ गढउ स्थित बाग्मती खोलाको किनारमा हाल नाम, थर, वतन नखुलेका अन्दाजी ५५ वर्षीय पुरूष आइतबार मृत अवस्थामा फेला परेका छन् । यता इलाम, रोङ गाउँपालिका-५ इरौटार बस्ने ६५ वर्षीया सोम माया राई सोही ठाउँ स्थित भिर तल खोल्सामा आइतबार मृत अवस्थामा फेला परेकी छिन् । यस्तै गुल्मी, मदाने गाउँपालिका-३ कैरलपाटा बस्ने ७४ वर्षीय खुलानन्द पुरी धुर्कोट गाउँपालिका-७ गोलपोखरी स्थित खरबारीमा आइतबार मृत अवस्थामा फेला परेका छन् ।

यसैगरी दैलेख, भैरवी गाउँपालिका-१ महतरागाउँ कटौचे बस्ने ६१ वर्षीय तिर्थ बहादुर महतरा दुल्लु नगरपालिका-११ स्यालाखाडा स्थित छामघाट खोलाको किनारमा आइतबार मृत अवस्थमा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।