नवकान्तिपुर संवाददाता
काठमाडौं, १ साउन ।
मृत अवस्थामा देशका विभिन्न स्थानबाट १० जना फेला परेका छन् । नवलपरासी पूर्व, गैंडाकोट नगरपालिका-७ गैरीस्थित नारायणी नदीको बगरमा हाल नाम, थर, वतन नखुलेका अन्दाजी ३५ वर्षीय पुरूष मंगलबार मृत अवस्थामा फेला परेका छन् ।
त्यस्तै बाँके, बैजनाथ गाउँपालिका-४ नैलापुर बस्ने ३० वर्षीया आशा थारू आफ्नै खेतमा मंगलबार मृत अवस्थामा फेला परेकी छिन् । यस्तै रूकुम पश्चिम, मुसिकोट नगरपालिका-१ मुलखोला बस्ने ५० वर्षीय उदीराम कामी आफ्नै घरमा मंगलबार मृत अवस्थामा फेला परेका छन् ।
उता संखुवासभा, खाँदबारी नगरपालिका-११ लामागाउँ बस्ने ७७ वर्षीया बाल कुमारी गुरूङ आफ्नै घरमा सोमबार मृत अवस्थामा फेला परेकी छिन् । यता ताप्लेजुङ, मेरिङदेन गाउँपालिका-६ नाम्बुस्थित थाकचुङ बस्ने ४१ वर्षीय समिर नाल्बो सोही ठाउँस्थित फेन्सेलको जंगलमा सोमबार मृत अवस्थामा फेला परेका छन् ।
यसैगरी सप्तरी, सुरूङगा नगरपालिका-८ समशेरपुर बस्ने ४५ वर्षीय तेजु चौधरी सोही ठाउँ धांती बजारस्थित बाटोको छेउमा सोमबार मृत अवस्थामा फेला परेका छन् । यता काठमाडौं महानगरपालिका-२४ किलागलस्थित घरमा भाडामा बस्ने ६७ वर्षीय रामकृष्ण श्रेष्ठ सोही घरको भर्याङ चढ्ने सिढी छेउमा मंगलबार बिहान मृत अवस्थामा फेला परेका छन् ।
यसैगरी काठमाडौं महानगरपालिका-२१ जैसीदेवलस्थित जैसीदेवल मन्दिरको पेटीमा हाल नाम, थर, वतन नखुलेका अन्दाजी ६५ वर्षीय पुरूष मंगलबार मृत अवस्थामा फेला परेका छन् । यस्तै मोरङ, बिराटनगर महानगरपालिका-१६ दरैया बस्ने बाले मण्डलको छोरा ११ वर्षीय पर्शुराम मण्डल सोही महानगरपालिका-१२ दरैयास्थित खाल्डोमा जमेको पानीमा मंगलबार मृत अवस्थामा फेला परेका छन् ।
त्यस्तै रूपन्देही, कोटहिमाई गाउँपालिका-२ भुवरीस्थित तिनाँउ खोलामा हाल नाम, थर, वतन नखुलेका २० वर्षीय पुरूष सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
