देशका विभिन्न स्थानबाट मृत अवस्थामा १३ जना फेला परेका छन् । काठमाडौं महानगरपालिका-४ बल्खु स्थित बागमती खोलाको पुलको पिलर मुनि बाँके हिरामुनिया गाउँपालिका-६ घर भई काठमाडौं बल्खु सुकुम्बासी बस्ने ४५ वर्षीय राम सरूप महोतरा बुधबार मृत अवस्थामा फेला परेका छन् ।

त्यस्तै धनुषा, जनकपुर उपमहानगरपालिका-१४ मुजेलिया डेरा गरी बस्ने महोत्तरी मनरा सिसवा नगरपालिका-९ घर भएका ३५ वर्षीय अनुप झा आफ्नै कोठामा बुधबार मृत अवस्थामा फेला परेका छन् । यस्तै सर्लाही, हरिपुर नगरपालिका-९ पिडारी बस्ने रामबचन साहको छोरा १५ वर्षीय रबि किशन साह सोही ठाउँस्थित पोखरीमा बुधबार मृत अवस्थामा फेला परेका छन् ।

उता बाँके, कोहलपुर नगरपालिका-१५ बेलनपुरस्थित बेलनपुर नहरको बीचमा बैजनाथ गाउँपालिका-७ पेडारी बस्ने ४१ वर्षीय बिर बहादुर थारू बुधबार मृत अवस्थामा फेला परेका छन् । यता काठमाडौं महानगरपालिका-२६ नयाँ बसपार्क भित्र ३ नम्बर गेट नजिक विगत २ महिनादेखि पार्किङ गरी राखेको बा.२ ख २३४४ नम्बरको बसमा सुनसरी इटहरी उपमहानगरपालिका-१३ घर भएका ३७ वर्षीय प्रल्लाद अधिकारी मंगलबार मृत अवस्थामा फेला परेका छन् ।

त्यसैगरी नवलपरासी पश्‍चिम, प्रतापपुर गाउँपालिका-६ रेतास्थित बाटो छेउमा भारत घर भएकी ६५ वर्षीया सुभावती चमार मंगलबार मृत अवस्थामा फेला परेकी छिन् । यसैगरी नवलपरासी पश्‍चिम, सरावल गाउँपालिका-४ ठुलो बडसारेस्थित पुल मुनी बर्दघाट नगरपालिका-७ बस्ने ६० वर्षीय बर्मा थारू मंगलबार मृत अवस्थामा फेला परेका छन् ।

यस्तै उदयपुर, त्रियुगा नगरपालिका-६ चुरे सामुदायिक जंगलस्थित सडक छेउमा सोही नगरपालिका-६ मोहनपुर बस्ने ३२ वर्षीय जिवन गुरागाई मंगलबार मृत अवस्थामा फेला परेका छन् । त्यस्तै जाजरकोट, भेरी नगरपालिका-२ नाउलीस्थित सडकमा कुशे गाउँपालिका-५ दम्दला बस्ने ६८ वर्षीय लालबिर मल्ल मंगलबार मृत अवस्थामा फेला परेका छन् ।

त्यस्तै दोलखा, भिमेश्वर नगरपालिका-६ बिमिरे बस्ने ६० वर्षीय राम बहादुर तामाङ सोही ठाउँस्थित पानीको कुलोमा मंगलबार मृत अवस्थामा फेला परेका छन् । उता कञ्चनपुर, बेदकोट नगरपालिका-१० नयाँ गाउँस्थित सडकमा सोही नगरपालिका- १० बस्ने २३ वर्षीय प्रबिन डगौरा बुधबार मृत अवस्थामा फेला परेका छन् ।

यता अर्घाखाँची, शितगंगा नगरपालिका-१४ बिक्रम बस्ने ७१ वर्षीय जुद्द बहादुर सोमै सोही ठाउँस्थित नहरको कलभटमा मंगलबार मृत अवस्थामा फेला परेका छन् । त्यसैगरी सर्लाही, पर्सा गाउँपालिका-५ स्थित सपहा खोलामा हाल नाम, थर, वतन नखुलेका अन्दाजी ३५ वर्षीय पुरूष मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।